ازاى تسطب نسخه ويندوز على جهازك شره بالصور والفيديو وكل حاكه

بسم الله الرحمن الرحيم
النهارده انا عامل موضوع ازاى تسطب نسخة ويندوز على جهازك انا عارف ان بعض الناس هاتقول دا موضوع تافه وملوش اى 30 لازمه بس والله فى ناس كتير مش بتعرف تسطب ويندوز على اجهزتهم وانا كنت منهم بس الحمدلله اتعلمت وحبيت اعلمكوا معايا نبدا بقى وبلاش رغى.
فى الاول خالص وانت بتفتح الجهاز بتاعك زى كل مره افضل دوس على زرار delete هاتتفتحلك صفحه خير اللهم اجعله خير كلها ازرق فازرق ودى بيسموها البيوس ام هند ( المهم) اول ما تفتحلك الصفحه دى اختار فيها تانى اختيار اللى هو advanced bios features زى الصوره
[ندعوك للتسجيل في المنتدى أو التعريف بنفسك لمعاينة هذا الرابط]
وبعد ما نختار زى الصوره هاتتفتح صفحه تانى نختار منها first boot device زى الصوره
[ندعوك للتسجيل في المنتدى أو التعريف بنفسك لمعاينة هذا الرابط]
وبعدين ندوس انتر ونختار السى دى روم
[ندعوك للتسجيل في المنتدى أو التعريف بنفسك لمعاينة هذا الرابط]
وبعد ما نختار السى دى روم ندوس على f10 وندوس على حرف ال y وبعدكدا انتر
[ندعوك للتسجيل في المنتدى أو التعريف بنفسك لمعاينة هذا الرابط]
كدا هتلاقى الجهاز اترستر حط الاسطوانه بتاعت النسخه يامعلم هتلاقى جمله pres any kay to boot from CD: هتلاقيها فى اخر شاشه سودا مليانه رغى بالانجليزى
[ندعوك للتسجيل في المنتدى أو التعريف بنفسك لمعاينة هذا الرابط]
المهم اول ما تشوفها دوس انتر يامعلم بس خلى بالك هتظهرلك تانى بعد كدا ماتدوسش حاجه وانا هابقى اقولك نبطل رغى بقى ونرجع لموضوعنا اول ما تدوس انتر هتلاقى شاشه كلها خير الهم اجعله غير ازرق فازرق غير اللى فاتت على العموم اهه
[ندعوك للتسجيل في المنتدى أو التعريف بنفسك لمعاينة هذا الرابط]
سيبه يحمل و ما تلعبش فى حاكه بعد ما يحمل الويندوز هتلاقى صفحه تانى جاتلك اهه
[ندعوك للتسجيل في المنتدى أو التعريف بنفسك لمعاينة هذا الرابط]
دوس انتر على طول بعد ما تدوس انتر هتلاقى حاكه اسمها الاتفاقيه اولما تلاقى الاتفاقيه دوس f8 وصورتها اهه
[ندعوك للتسجيل في المنتدى أو التعريف بنفسك لمعاينة هذا الرابط]
وبعد كدا هاتظهرلك صفحه تانى فيها 3 اختيارات اختار اول واحد ودوس انتر وبعد كدا اختار البارتيشن اللى عايز تسطب عليه الويندوز وهو طبعا السى وخلى بالك انت بتتحرك بالاسهم عشان تختار انسى حاكه اسمها موس اكوز والصوره اهه
[ندعوك للتسجيل في المنتدى أو التعريف بنفسك لمعاينة هذا الرابط]
بعد كدا هاتظهرلك صفحه تختار منها نظام الفرمته ياريت تختار منها اول نظام فرمته اللى هو NTFS عشان دا افضل للاكس بى زى الصورة
[ندعوك للتسجيل في المنتدى أو التعريف بنفسك لمعاينة هذا الرابط]
هايبدأ الفورمات زى الصورة:
[ندعوك للتسجيل في المنتدى أو التعريف بنفسك لمعاينة هذا الرابط]
بعد كدا هايعد شوية وبعد كدا هايراستر الجهاز وهاتظهرلك جملة pres any kay to boot from CD
اوعى تدوس عليها انتر اووووعى انا حذرت اهو دى يتداس عليها فى اول مره بس لكن بعد كدا تؤتؤ تماموز لحد كدا؟ طيب نكمل هاتظهرلك يامعلم شاشة تحميل الويندوز سيبها فى حالها
[ندعوك للتسجيل في المنتدى أو التعريف بنفسك لمعاينة هذا الرابط]
وبعد كدا سيبه يحمل على مهله تاتا تاتا
وبعد كدا هاتظهرلك صفحة تظبيط اللغه والبلد والحبشتكنات دى خلى طبعا كل حاكه تبع ام الدنيا مصر اللى هى egypt متكسفوناش واعمل زى الصوره
[ندعوك للتسجيل في المنتدى أو التعريف بنفسك لمعاينة هذا الرابط]
تدوس على customize هاتضهرلك صفحه شايله 3 صفح فى بعد اختار الصفحه التانيه اللى اسمها languages وعلم فى اخر خانتين خليهم هما الاتنين متعلمين بعلامات صح واول ما تعلم هاتظهرلك رساله دوس عليها اوك وبعد كدا دوس على الصفحه التالته اللى هيا advanced واختار من السهم اللغه اللى انت عايزها غيرها من انجليش خليها arabic egypt وبعد كدا اختار اول صفحه اللى اسمها regional options هتلاقى فيها سهم جمب كلمة customize دوس عليه واختار arabic egypt وبعد كدا انزل على السهم اللى تحت فى اخر الصفحه واختار egyptوبعد كدا خلاويص دوس اوك هاتظهرلك رساله دوس اوك
وبعد كدا هاتظهرلك صفحه تكتب فيها اسم جهازك ونفض للتانيه زى الصوره
[ندعوك للتسجيل في المنتدى أو التعريف بنفسك لمعاينة هذا الرابط]
وبعد كدا يامعلم هاتظهرلك صفحه فيها 5 خنات زى الفل المطلوب من سعادتك انك تكتب فيه السيريال نمبر بتاع النسخه الاصليه هاتعمل فيها عفريت وتكتب سيريالات غلط هايأفشك اكوز يامعلم والصوره اهه
[ندعوك للتسجيل في المنتدى أو التعريف بنفسك لمعاينة هذا الرابط]
بعد كدا ياريس هاتجيلك صفحه فيها 3 خنات تحت بعد اول خانه اكتب فيها اسم جهازك وتانى خانه اكتب فيها باسورد جهازك اللى انت عايزه وتالت خانه اكتب نفس الباسورد تانى بس انا افضل انك تخلى جهازك من غير باسورد احسن ومتلعبش فى خانة الباسورد وادى الصورة
[ندعوك للتسجيل في المنتدى أو التعريف بنفسك لمعاينة هذا الرابط]
وبعد كدا تدوس next طبعا زى كل مره وهاتظرلك شاشة الوقت والتاريخ اختار السهم اللى تحت كلمة timezone وغيره خليه cairo ودوس طبعا next زى الصوره
[ندعوك للتسجيل في المنتدى أو التعريف بنفسك لمعاينة هذا الرابط]
وبعد كدا هايحمل نفضله معلش وسيبه يحمل براحته اكوز بعد كدا هايراستر لوحده سيبه بردوا بعد كدا هايظهرلك صفحه دوس عليها ok والصوره اهه
[ندعوك للتسجيل في المنتدى أو التعريف بنفسك لمعاينة هذا الرابط]
هاتظهرلك بعديها صفحه تانى بردوا غتت ودوس ok والصوره اهه
[ندعوك للتسجيل في المنتدى أو التعريف بنفسك لمعاينة هذا الرابط]
بعد كدا هاتظهرلك شاشة خير اللهم اجعله خير كلها ازرق فازرق ودى ياعن الحج الويندوز بيرحب بيك ودى اول مره طبعا حد يرحب بيك المهم دوس على next
[ندعوك للتسجيل في المنتدى أو التعريف بنفسك لمعاينة هذا الرابط]
وبعد كدا هاتظهرلك شاشة بتخيرك بين انك تشغل تحديث الويندوز ولا طفى تحديث الويندوز انا من رأيى انك تطفى تحديث الويندوز وتدوس على next زى الصوره اهه
[ندعوك للتسجيل في المنتدى أو التعريف بنفسك لمعاينة هذا الرابط]
بعد كدا هاتجيلك صفحه كلها خانات وبيقولك اكتب فيها مستخدمين الكمبيوتر بس اوعى تكتب اى حاكه دوس next على طول
[ندعوك للتسجيل في المنتدى أو التعريف بنفسك لمعاينة هذا الرابط]
بعد كدا يا معلم هاتظهرلك صفحة شكر الويندوز لاستخدامك النسخه دوس finish زى الصورة
[ندعوك للتسجيل في المنتدى أو التعريف بنفسك لمعاينة هذا الرابط]
كدا النسخه اشتغلت ياباشا
وهاقولك على معلوماية صغنونه من عندى عشان هتلاقى سطح المكتب فاضى خالص بص بقى ياريس دوس كليك يمين على سطح المكتب واختار properties زى الصورة:
[ندعوك للتسجيل في المنتدى أو التعريف بنفسك لمعاينة هذا الرابط]
وبعد كدا اختار كلمةdesktop واختار customize desktop
[ندعوك للتسجيل في المنتدى أو التعريف بنفسك لمعاينة هذا الرابط]
هتلاقى mycomputerو My Documents و my network places علم جمب كل واحده فيهم علامة صح ودوس على ok زى الصورة
[ندعوك للتسجيل في المنتدى أو التعريف بنفسك لمعاينة هذا الرابط]
ودوس apply وبعد كدا ok وكدا خلاويص هتلاقى ماى كمبيوتر وماى ديكومنتس وماى نت ورك ظهروا على سطح المكتب اكوز
ودا بقى هديتى ليكوا فيديوا فيه الزتونه بتاعت الموضوع
هايعلمك بالاختصار المفيد دا لومفهمتش من شرحى اكوز
اللينك اهو
[ندعوك للتسجيل في المنتدى أو التعريف بنفسك لمعاينة هذا الرابط]
***********************************************
سلاموز اصحـــــــــــاب توب حمل زى ما تحــــب